Buster & Jazz : Sjølvaste JazzBukkane

Posted on by

Buster       Jazz

Som de ser så har Buster og Jazz hatt ein feit sommar der horna har grodd fleire centimeter. Dei har grasa langs riksvegen (mot Fjærland) i Sogndal, hatt det fritt og fint, ete godt og stanga, hoppa og jukka som berre bukkar kan.
Det er 4 månader sidan eg lanserte JazzBukk. Idag står kampanjen i 121% og det er 35 dagar igjen (sluttdatoen er 8.10.15.) Eg vil igjen (snart for siste gang) oppfordra alle de som har støtta om å spreia informasjon om prosjektet og gjerne støtta meir ved å tinga mine tre CD-utgjevingar (16bit kremlyd) i eksklusiv JazzBukkBox, konsertbillettar, T skjorter i lekker syltynn ull frå WeNorwegians og anna de finn på JazzBukk. Unike personleg signerte julepresangar? Meld direkte til meg om eigne helsingar og signatur. Bookleten med tilleggsinformasjon, poesi og historiar rundt innspelingane og JazzBukk, samt navn på alle støttespelarar blir produsert etter 8.10.15. Avisa Vårt Land hadde ei dobbelside om folkefinansiering/kronerulling tirsdag 25.8.15. Der vart JazzBukk karakterisert slik av forskaren Olav Ryfetten (styreleiar i bidra.no): «Seglems bukkehornprosjekt er annerledes, det har en solid grunnmur og en voldsom kulhetsgrad». Så TAKK igjen til alle de kule som så langt har støtta dette unike prosjektet.

12.september dreg eg til Tolga. Då skal Egil Storbekkens Musikkpris delast ut for 10 gang. Eg fekk den i 2012. Alle tidlegare (nolevande) prisvinnarar er invitert av Tolga Kommune som deler ut prisen i samarbeid med Nopa – og det blir spel på mange horn sjølvsagt. Då skal eg også innom Magnar Storbækken med nye horn-emner. Sjekk sidene hans Naturinstrumenter.
Det kan heller ikkje skada å be dykk lesa denne fine reportasjen (igjen) frå BT, og sjå den morosame bukkevideoen her.

Hugs Jubileumskonserten med stort band på Nasjonal Jazzscene den 20.11.15. På heimesidene mine finn du ellers komplett turneliste for hausten. Konsertar i Norge, Belgia og Tyskland.

Vennleg helsing Karl Seglem